23Dek
28 sentyabr 2018-ci il / Bakı, Azərbaycan Beynəlxalq Mətbuat Mərkəzində “İdarə olunan dezinformasiya siyasətinin qarşısının alınması və sosial şəbəkələrdə milli maraqların qorunmasına dəstək” layihəsi çərçivəsində “Müasir İnformasiya Cəmiyyəti və İnnovasiyalar” İctimai Birliyinin tədbiri keçirilib. “Azadinform” İnformasiya Agentliyinin baş redaktoru Niyaz Niftiyev sosial şəbəkələrin müasir cəmiyyətdəki yerindən danışıb. O qeyd edib ki, layihə çərçivəsində Biləsuvar, Salyan və Cəlilabadda da görüşlər keçirilib. Sosial şəbəkələrdə informasiya bumunun mənfi tərəfləri, istənilən səviyyədə keyfiyyətin olmaması, uşaqların sosial şəbəkələrdən istifadəsinin təsirləri, sosial şəbəkələrdə özünə nəzarət kimi məsələlər müzakirə edilib. Jurnalist Araşdırmalar Mərkəzinin sədri Seymur Verdizadə sosial şəbəkələrin cəmiyyətdə artan rolundan danışıb. O bildirib ki, çap mediası lider olanda jurnalistlər oxucularla operativ ünsiyyət qura bilmirdilərsə, bu gün sosial şəbəkələr və internetin gətirdiyi imkanlar vasitəsilə interaktiv ünsiyyət yaradılır. S.Verdizadə sosial şəbəkələrdə hər kəsin məlumat yaymasının yaratdığı problemlərdən də danışıb və 2016-cı ildə “Aprel döyüşləri” zamanı həddən artıq çox dezinformasiyanın yayılmasına diqqət çəkib.Ona görə də bu barədə məlumat yayılarkən diqqət yetirilməli olduğu vurğulanıb. sosial şəbəkələr. S.Verdizadə iclasdan irəli gələn təkliflərə baxılaraq aidiyyəti qurumlara təqdim ediləcəyini də qeyd edib.
